Para que AS FAMILIAS DE GALICIA poidan obter ORIENTACIÓN E AXUDA ante o nacemento dun bebé con acondroplasia.

Para potenciar a CREACIÓN DE CANLES DE INTERCOMUNICACIÓN ENTRE AS PERSOAS AFECTADAS, e entre os SEUS FAMILIARES, de xeito que se rendabilicen as experiencias de cada quen por parte dos demais. 

Para COLABORAR ACTIVAMENTE COS ORGANISMOS COMPETENTES E CON OUTRAS ENTIDADES COMPROMETIDAS CO EFECTIVO EXERCICIO DOS DEREITOS das persoas con displasias óseas e para APOIAR ACCIÓNS DE INVESTIGACIÓN no eido do crecemento en xeral, e en concreto sobre acondroplasia.

Para INFORMAR, FORMAR E PRESTAR APOIO AOS AFECTAD@S E FAMILIARES e a cantos axentes sociais estean implicados nos distintos eidos da vida persoal e social das persoas con acondroplasia sobre o axeitado enfoque e abordaxe desta condición fisica.

Para IMPULSAR ACCIÓNS DE SENSIBILIZACIÓN SOCIAL sobre as capacidades das persoas con acondroplasia e sobre a necesidade de garantir sempre o trato respetuoso.

Para DENUNCIAR canta circunstancia vexatoria se produza a este respecto.