Os nosos inicios remóntanse a maio do 2006 cando pola inquietude dunhas familias xunguidas informalmente polo feito de ter un fillo ou filla con acondroplasia, todos eles menores de idade, sentimos a imperiosa necesidade de defender os seus dereitos e a súa dignidade, solventar, na medida do posible, os seus problemas e tamén, por qué non dicilo, encontrar entre nós mesmos o necesario apoio de todos os que compartimos experiencias comúns.

​

 

A creación da nosa asociación seguiu a estela de outras asociacions irmáns do Estado, que nos precederon:  Cataluña, Andalucía,  Canarias..., e como non a Fundación ALPE ACONDROPLASIA que sempre está disposta a participar en calquera iniciativa que teña que ver coas persoas desta condición e constiúe o noso referente.

 

No ámbito galego, a iniciativa de AGAeFA estivo precedida no tempo por Magar Acondroplasia, que pola súa condición xurídica como Fundación, ten características diferentes da Asociación.

​

Somos hoxe en AGAeFA 14 familias e outros tantos rapaces e rapazas afectados, pero a Asociación non está por suposto pechada:

​

- Nacemos para apelar á experiencia dos adultos con acondroplasia, os que precisamente por non existir asociación algunha con anterioridade, fixeron sós a súa andaina, de xeito individual, pero sen dúbida tan ou mais meritoria.

 

- Queremos que as nosas portas estean abertas a todas as familias onde exista alguén con esta condición.

 

- Buscamos, dende o primeiro momento, ningúen se sinta só, aillado, perdido...